Қазақстан Ұлттық Банкі 2023 жылдың 17 ақпанынан бастап ҚҰБ-тың интернет-дүкені арқылы коллекциялық монеталардың сатыла бастайтынын мәлімдеді.
«Дала қазынасы» сериясымен шыққан KIIZ ÚI монеталарында интерференциялы құбылмалы бейнелеу және алтын жалату технологиясы қолданылған. Номиналы – 500 теңгелік, таралымы – 5000 дана.
«Сиқырлы нышандар» сериясымен шыққан ÓMIR SHEJIRESI монеталарында алтын жалату технологиясы қолданылған. Күмістен дайындалған монетаның номиналы – 777 теңгелік, таралымы – 7 777 дана.
«Есте қалатын оқиғалар мен біртуар адамдар» сериясымен шыққан QAJYMUQAN MUŃAITPASULY. 150 JYL, MÁNSHÚK MÁMETOVA. 100 JYL және TALǴAT BIGELDINOV. 100 JYL монеталары мельхиор қоспасынан тұрады. Номиналы 100 теңгелік, әрқайсының таралымы – 15 000 данадан.
