Петропавлдық ұлан жас қызды зорлықтан құтқарып қалды деп хабарлайды Aqmolanews ақпараттық агенттігі.
10 ақпан күні сағат 18.00 шамаларында #105 «Алматы-Петропавл» бағытында жүретін жүрдек поездында кезекті іс-сапардан келе жатқан Петропавл қаласының 6637 әскери бөлімінің офицері майор Ерсін Жантурин купелік вагондардың бірінен бейтаныс қыздың көмекке шақырып жатқанын естиді. Дауыс шығып жатқан есікке жақындай берген кезде, сардардың алдынан біреу есікті ішінен жауып алады. Бірден күшімен жұлып алып, қатты қорқып бір бұрышқа тығылып қалған жас қызбен өзінің жаман ойын жүзеге асырайын деп жатқан ер азаматты байқаған ұландық, зорлаушыны бірден бұрышқа тартып алып, қоян-қолтық әдіс тәсілімен ұстап алады. Оқиға барысында, азамат жәбірленуші үшін бейтаныс екені және оны зорламақшы болғаны анықталады. Аталған әрекет бойынша тәртіп бұзушы Сарышаған станциясының полиция қызметкерлеріне тапсырылады.
-Бұл кешкі уақыт еді, мен вагон-рестораннан тамақтанып өз вагоныма бара жатқанмын, кенет көмекке шақырып жатқан қыздың дауысын естідім. Дауыс шығып жатқан купені ашсам, бейтаныс біреу жабық жерді пайдаланып жас қызды зорламақшы екенін көріп, ойын жүзеге асыруға жол бермедім, дейді майор Ерсін Жантурин.
Аталмыш оқиға бойынша азамат М. бойынша ҚК 121 бабы 1 тармағына сай (Күш қолданып немесе оны қолдану қатерін төндіріп не жәбірленушінің дәрменсіз күйін пайдаланып еркек пен еркектің жыныстық қатынасы, әйел мен әйелдің жыныстық қатынасы немесе жәбірленушіге немесе басқа адамдарға жасалған сексуалдық сипаттағы өзге де әрекеттер) қылмыстық іс қозғалды.
