Бүгін Астана уақыты бойынша сағат 10.00-де жеңілдетілген автонесиеге өтініштер қабылдау басталды. Өтінішті онлайн режимде autonesie.kz сайты арқылы беруге болады.
Өтініш беру тәртібі мынадай:
1. Алдымен сайтқа кіріп, ЭЦҚ арқылы авторизациялану керек. Ол үшін NCALayer орнатылған компьютер немесе ноутбук қажет.
2. «Өтініш беру» тармағында тиісті мәліметтерді енгізіп, автокөлік өндірушіні таңдау керек. Өтініш бергеннен кейін автоөндірушіні ауыстыру мүмкін болмайды.
3. Келесі қадам – оферта шарттарымен танысып, келіскен жағдайда ЭЦҚ арқылы растау.
4. Өтініш бергеннен кейін оның мақұлдануын күтуге тура келеді.
Өтініш келесі себептермен мақұлданбауы мүмкін:
1. Өтініш беруші осы бағдарлама бойынша жеңілдетілген автонесие алған болса;
2. Автонесиеге өтініш берген болса;
3. Қатысушы банктың тиісті лимиті таусылса.
Фото: uralskweek
