Ағымдағы жылдың 21 қаңтарында Новочеркасское ауылының маңындағы «Екатеринбург-Алматы» автожолының 1139 шақырымында патрульдік полиция батальонының «Тұлпар-4» автопатрулінің экипажымен жол жүрісі қауіпсіздігін қамтамасыз ету барысында Целиноград ауданының 40 жастағы тұрғынының басқаруындағы «ГАЗ 330232» маркалы автокөлігі тоқтатылды. Медициналық куәландыру қорытындысына сәйкес, жүргізуші жеңіл дәрежедегі мас күйінде болған. Тексеру кезінде ақмолалық 2022 жылы 7 жыл мерзімге көлік құралын басқару құқығынан айырылғандығы анықталды.
Жүргізушінің айғақтары бойынша, әпкесі оған ұлының үйленгені жатқандығы туралы хабарлаған, ер адам Атбасар қаласына оларға барып келуді шешкен. Алайда полиция қызметкерлерінің қолына түскен. Көлік айыппұл тұрағына қамалды. Осы факті бойынша ҚР ҚК 346-бабының 1-бөлігі бойынша «көлік құралдарын басқару құқығынан айырылған және алкогольдік, есірткілік және (немесе) уытқұмарлық масаң күйде болған адамның көлік құралын басқаруы» бойынша сотқа дейінгі тергеу жүргізілуде.
Ақмола полицейлері азаматтарды жолда мұқият болуға және ешбір жағдайда мас күйінде рөлге отырмауға, өз өміріне және жол қозғалысының басқа қатысушыларының өміріне қауіп төндірмеуге шақырады.
Сондай-ақ...оқыңыз
- Жарнама -
Ұқсас мақалалар
- Жарнама-