2011 жылдан бері 2,5 мыңға жуық ақмолалық әкімнің атаулы стипендиясының иегері атанды. Жастар арасында сұранысқа ие және танымал жобаның мақсаты – кадр тапшылығын толтыру, олардың бастамаларын ынталандыру және қолдау, деп хабарлайды «AqmolaNews» облыс әкімінің баспасөз қызметіне сілтеме жасап.
Өңір басшысы Ермек Маржықпаев түлектермен және атаулы стипендия иегері студенттермен кездесті.
«Мемлекет Басшысы Қасым-Жомарт Кемелұлы Тоқаев атап өткендей, жастар — бұл прогрестің символы, біздің жақсы болашаққа деген үмітімізді іске асыру. Барлық мемлекеттік органдардың басты міндеті – жан-жақты даму үшін барлық жағдай жасау. Бүгінде облыста мемлекеттік бағдарламалар табысты жүзеге асырылуда, онда әрбір жас мамандық бойынша шешім қабылдай алады», – деп атап өтті облыс әкімі.
Кездесу барысында қатысушылар өз идеяларымен бөлісіп, стипендияның олардың болашақ тағдырына қалай әсер еткені туралы айтты.
Стипендияның алғашқы иегері Ермек Елбергеновтың айтуынша, өмірдегі бұл оқиға болашақта мамандықты анықтауға көмектесті.
«Университетте оқып жүргенде мен пікірсайыс клубына барып, жақсы оқыдым. Сол кезде Абай Мырзахметов атындағы ҚМУ-де әкім грантын тек 12 адам алды. Бұл менің пікірсайыста сөйлеу дағдыларым журналистика саласындағы таңдауыма әсер етті», – деді Ермек Елбергенов.
Жоба туралы өз пікірін Шоқан Уәлиханов атындағы Көкшетау мемлекеттік университетінің түлегі Кирилл Череватенко айтты. Кирилл отбасылық істі жалғастырып, Бурабай ауданы Кенесары ауылында аға дәрігері болды.
«Біздің өңірге сауатты мамандар қажет және бұл жоба біреу үшін мүмкін емес нәрсені жүзеге асыруға мүмкіндік береді. Ерекшелігі бағдарлама бойынша міндетті жұмысқа орналасу қарастырылған. Мен өзімді кәсіби маман ретінде жүзеге асыруға және жақсы тәжірибе алуға мүмкіндік деп санаймын», – деп атап өтті түлек.
Кездесу соңында қатысушылар жобаны жақсарту бойынша өз ұсыныстарын енгізді. Атап айтқанда, стипендиаттар қауымдастығын ашу және медициналық мамандықтар студенттері үшін материалдық-техникалық база құру және тағы басқалар.
Айта кетейік, 2022 жылы 550-ге жуық адам стипендия алуға өтінім берген, оның ішінде комиссия 70 адамды іріктеп алған.
