Қазіргі таңда Ұлттық Ұлан ерлігі әлі күнге дейін ел аузында. Еліміздің болашағы Ұлттық Ұлансыз елестету мүмкін емес. Әсіресе «Қаралы қантар» оқиғасын айта кету керек. Өткен жылдың басында еліміздегі тұрақсыз жағдайларға қарамастан Ұлттық Ұлан әскері өзіне тапсырылған жауынгерлік міндеттерін абыройлы орындап шықты. Ұлттық Ұлан сапындағы қатардағы жауынгерлер Қайсаров Мадияр мен Аманов Айбаттың есімдері тарихта алтын әріппен жазылады, ерлігі қатарға енді қосылған жас сарбаздарға үлгі, өнеге.
Осы жылдың 10 қаңтар күні Ұлттық Ұланның құрылғанына 31 жыл. Дәл осы себепті біз Ұлттық Ұлан жайлы ақпарат бере кетсек.
Қазақстан Республикасының Ұлттық Ұланы – Қазақстанның ішкі істер қатарына кіре отырып, халықтың құқығын қорғау, елді ішкі қылмыстардан арашалау үшін құрылған арнайы жасақ.
Ұлттық Ұланның символы – аспандағы көк байрақ, бірліктің нышаны болған шаңырақ, бостандықтың белгісі қыран құс, ерліктің белгісі қолына ту ұстаған атты сарбаз, және де «Ұлттық Ұлан» жазуынан тұрады.
Ұлттық Ұлан еліміздің тыныштығы үшін әрбір азаматқа көмек қолын созып, құқығын қорғауға әрдайым дайын. Себебі ол біздің Қазақстан халқы алдындағы міндетіміз, Республика алдындағы борышымыз.
