Қазақстан Республикасының қоян-қолтық жекпе-жектен еңбек сіңірген жаттықтырушысы және бокстан халықаралық дәрежедегі спорт шебері Мереке Жүсіповке арналған жасөспірімдер арасындағы бокстан 19-шы дәстүрлі турнир жоғары деңгейде ұйымдастырылған. Жас спортшылар үшін маңызды бұл сайыс оның туған жері – қала маңындағы Красный Яр ауылында өтті.
Турнирдің негізгі мақсаты – салауатты өмір салтын насихаттау, жасөспірімдер мен жастар арасында боксқа деген қызығушылықты оятып, спорттық біліктілікті арттыру. Осымен аталмыш турнир он тоғызыншы рет өткізіліп жатыр. Төрт күн бойы жас боксшылар күш, ептілік және жеңіске деген ерік-жігерін көрсетіп, тартысты жекпе-жек жалғасуда. Жарыста еліміздің түкпір түкпірінен келген 230 ға жуық жас өрен Ақмола рингінде бақтарын сынады.
Мереке Жүсіповтың құрметіне арналған жарыс төрт күн бойы өте әсерлі және тартысты өтті. Балалар бокстың жақсы дайындығы мен сауатты техникасын көрсете білді. Жеңіске деген ерік-жігер, табандылық пен төзімділік әдемі жекпе-жектің көрінісі болды және көрермен көңілінен шықты. Төрешілер жас спортшыларды қатаң бағалап, олардың тактикасын, техникасы мен тәртібін ерекше атап өтті. Ақтық жекпе-жектің біріне облыс әкімі Ермек Маржықпаев та қатысты. Экс-боксшының өзі турнирге қатысушыларды жылы қарсы алып, Мереке Жүсіповке алғысын білдірді.
«Жыл сайын өтетін дәстүрлі бокс турнирі салауатты өмір салтын ұстануға шақырады және жаңа таланттарды анықтауға, болашақ чемпиондарды тәрбиелеуге мүмкіндік береді. Жыл сайын осы жарыстарға қатысушылар саны артып, оның географиясы да кеңейіп келеді. Бүгін Ресей Федерациясынан команда келгені бізді қатты қуантты. Біздің облыста бокс өте қарқынды дамып келеді. Жерлестеріміз жыл сайын халықаралық турнирлерде табысқа жететіп, ел қоржының жеңістермен толтырып келеді. Өңірде бокспен 2 мыңнан астам адам айналысады, 17 спорт мектебінде 60 – қа жуық жаттықтырушы жұмыс істейді», – деді өңір басшысы Ермек Маржықпаев.
Облыс әкімі турнир жеңімпаздарын салтанатты түрде марапаттады. 63 келі салмақ дәрежесінде бірінші орынды Красный Яр ауылынан Ерназар Қалам иеленді. Ал, Маңғыстау облысынан келеген Нұрбек Абдурахман 30 келі салмақта чемпион атанса, Көкшетау намысын қорғап келген Альтаир Сабыржан екінші орынға ие болды. 32 келі салмақ дәрежесінде екібастұздық Саят Маратов жеңіске жетті, Көкшетау бокс мектебінің тәрбиеленушісі Әли Ғабдулов жүлделі екінші орынды иеленді.
«Мен турнирге өте мұқият және жүйелі түрде дайындалдым. Жерлестерімнің алдында мен одан сайын жігерлене түстім, өйткені олар менің әрбір жекпе-жегімді мұқият қадағалап, маған қолдау көрсетеді. Сол сенім мен қолдаудың арқасында осындай нәтижеге қол жеткіздім деп ойлаймын. Соңғы жекпе-жекте мен Петропавлдан келген қарсыласымды жеңіп, чемпион атандым. Бұл тек бастамасы ғана, алда әлі талай жауапты жарыстар күтіп тұр», – деді Ерназар Қалам.
Көкшетаулықтар үшін Мереке Жүсіповтың есімі 90-шы жылдардан бері белгілі. Сол кезден-ақ Ақмола бокс мектебінің белгілі тәрбиеленушісінің жұлдызы көтерілген. Жас кезінен еліміздің еңбек сіңірген жаттықтырушысы Қуанышбек Қоқышевтың тәлімгерлігін алған. Көп ұзамай келешегі зор жас спортшы Қазақ КСР чемпионы атанып, бокстан жалпы одақтық жарыстарға қатысқан ел құрамасына кірді. 1987 жылы Донецк қаласында өткен Кеңес Одағы кубогында Мереке Жүсіпов күміс жүлдегер атанды. Содан кейін КСРО бас бапкері Константин Копцев оны еліміздің жастар құрамасына шақырды. 1989 жылы ол КСРО-ның ересектер командасына кіріп, төрт жыл бойы бокс аренасында талай белестерді бағындырды. Дәл осы уақытта Мереке Ертайұлы мансап шыңында жетті. 20 жасында ол КСРО чемпионаты мен бокстан Кеңес одағы кубогының қола тұғырына дейін көтерілді. Кейінгі жылдары ол бокстан КСРО чемпионатының және 1991 жылы КСРО халықтары спартакиадасының күміс жүлдегері атанды. Келесі жылы Мереке Жүсіпов бокстан ТМД Кубогы мен чемпионатында тағы да вице-чемпион болды. Оның Қырғызстан, Ресей, Тунис, Финляндиядағы халықаралық турнирлердің чемпионына қатысуы да сәтті болды, онда ол бірнеше рет чемпион болды. Қазақстан Қорғаныс министрлігі спорттық ротасының спортшысы ретінде Мереке Ертайұлы Болгариядағы Достық армиялар спартакиадасының қола жүлдегері және кикбоксингтен ТМД чемпионы болды.
Кейіннен Мереке Жүсіпов погон киіп, ұзақ жылдар бойы ІІМ, ТЖМ және Қорғаныс министрлігінде қызмет етіп, полковник әскери атағына ие болды. Осы уақыт ішінде ол қоян-қолтық ұрыстан Қазақстан ұлттық құрамасының бас бапкері болып жұмыс істеді. Оның шәкірттері бірнеше рет Әлем чемпионатының, Азия және Еуропа сайыстарының жүлдегерлері мен жеңімпаздары атанды. Мереке Ертайұлы қоғамдық қызметте де жетістікке жетті. 2021 жылы ол 7-ші сайланған Көкшетау қалалық мәслихатының депутаты болып сайланды.
Камила ӘБДЕЛМАНОВА
Фото: Айбек ДАНЬЯРОВ
