Облыстық ПД баспасөз қызметінің мәліметінше, биылғы жылғы қаңтардың 7-де Целиноград аудандық ПБ кезекші бөліміне Астана қаласы жедел басқару орталығының кезекшісі хабарласып, хирургия бөлімшесіне «оң жақ қолдың шынтақтан төменге дейін ампутациясы» диагнозымен ер адам жеткізілгенін айтты.
Зардап шеккен 21 жастағы жас жігіт Целиноград ауданындағы зауыттардың бірінің жұмысшысы. Жұмыс орнында жарақат алған.
Осы дерек бойынша полиция бөлімі Қылмыстық кодекстің 156-бабының 2-бөлігі «еңбекті қорғау ережелерін бұзу» бойынша сотқа дейінгі іс жүргізуді бастады.
Қазіргі уақытта мемлекеттік еңбек инспекторы тексеру жүргізуде, сот-медициналық сараптама тағайындалды.
