Көкшетауда Тәуелсіздік күніне орай гүл шоқтарын қою рәсімі өтті деп хабарлайды «AqmolaNews» ақпараттық агенттігі.
Еліміздің Тәуелсіздік күні аясында Ақмола облысында халықтың азаматтық ынтымақтастығын арттыруға бағытталған естелік, танымдық-ағартушылық, қайырымдылық және әлеуметтік іс-шаралар өтуде.
Бүгін облыс орталығында облыс әкімі Ермек Маржықпаевтың, желтоқсан оқиғасына қатысушылардың, ардагерлер, жастар мен жұртшылықтың қатысуымен Тәуелсіздік стеласына гүл шоқтарын қою рәсімі өтті.
Айта кетейік, өңір бойынша барлығы 1 мыңға жуық іс-шара өткізілді. Барлық аудандар мен Көкшетау, Қосшы және Степногорск қалаларында ғылыми – практикалық конференциялар, дөңгелек үстелдер мен тақырыптық көрмелер, танымдық экскурсиялар ұйымдастырылды.
