Агроөнеркәсіптік кешен ел экономикасының қарқынды дамып келе жатқан салаларының бірі болып табылады. Ақмола облысы еліміздегі азық-түлік қауіпсіздігін және жалпы саланы дамытуға үлкен үлес қосуда, деп хабарлайды «AqmolaNews» ақпараттық агенттігі.
Биылғы жылы өңірде ауыл шаруашылығы саласында оң нәтижелер атап өтілді. Жыл қорытындысымен диқандарды Ақмола облысының әкімі Ермек Маржықпаев құттықтады.
«Әрқайсыңыздың жанқиярлық еңбегіңіздің және мемлекеттік қолдау шараларының арқасында жалпы өнім көлемі алғаш рет 1 трлн теңгеден асады, бұл республика бойынша ең үздік көрсеткіштердің бірі», – деп атап өтті өңір басшысы.
Нәтижеге өсімдік шаруашылығы өнімдерін өндіруді ұлғайту есебінен қол жеткізілді.
Пайдаланылмайтын ауыл шаруашылығы жерлерін айналымға енгізу бойынша үлкен жұмыс жүргізілді. Қазір егіс алқабы 5, 2 миллионға дейін ұлғайтылды, оның 4,6 миллион гектары дәнді дақылдар болды.
Өңір бидай экспорты бойынша көш бастап тұрған елдің жетекші астық өңірлерінің біріне айналды.
Жалпы ауыл шаруашылығы тауарын өндірушілер 5,5 миллион гектар егін жинады, орташа өнімділігі гектарына 11,7 центнер, бұл өткен жылғы көрсеткіштерден 30 пайызға жоғары. Егіннің 95 пайызының негізгі үлесі 1 және 2 сұрыпты бидай болды.
Облыс басшысы жалпы алымды барынша қамтамасыз еткен үздік аудандарды да атап өтті.
«Ең жоғары өнімділік – Сандықтау ауданының аграршылары гектарына 20 центнер алды. «Белгородское» және «Каменка и Д» ЖШС ұжымдары ерекше назар аударуға лайық, онда өнімділік гектарына 40 центнерден асты. Ақкөл ауданының «Хлебороб», Бурабай ауданының «Журавлевка-1» және Атбасар ауданының «Шуйское 21″ Ауыл шаруашылығы құрылымдарының көрсеткіштері облыстық көрсеткіштерден жоғары», – деді Ермек Маржықпаев.
Кәсіпорындардың техникалық жабдықталуы да маңызды рөл атқарады. Тек биыл ғана 2 мыңға жуық заманауи тракторлар мен комбайндар сатып алынды.
Өсімдік шаруашылығымен қатар мал шаруашылығы да дамуда.
Жыл басынан бері облыста тірі салмақта 155 мың тоннадан астам ет, 350 мың тонна сүт қамтамасыз етілді, 620 миллионнан астам жұмыртқа өндірілді. Мал басы көбейді.
Облыста жыл сайын сүт-тауар фермаларының саны артып, жұмыс істеп тұрған фермалардың қуаты кеңеюде. 2022 жылы жүзден астам ет және оннан астам сүт фермалары іске қосылды.
Әлеуметтік маңызы бар тауарлармен өзін-өзі қамтамасыз ету басым бағыт болып табылады. Ақмола тауар өндірушілерінің өндірісі облыс халқының қажеттілігінен жұмыртқа бойынша 4 есе, құс еті бойынша 7,5 есе, ұн бойынша 36 есе асады.
Сондай-ақ, аймақ ет өнімдеріне сұранысты толық қамтамасыз етеді. Импортты алмастыру шеңберінде ет құс шаруашылығы мен өсімдік майы өндірісі дамуда. Осындай жобалардың бірі қуаттылығы 10 мың тоннаға дейінгі «Ақ-Дала агро» Аршалы ауданындағы құс фабрикасы болып табылады, Бұланды ауданындағы Макинск құс фабрикасының үшінші кезегін іске қосу жөніндегі жұмыстар және тәулігіне 600 тоннаға дейінгі өнімділігі бар май зауыты аяқталуда.
Еліміздің азық-түлік белдеуі аясында елорда базарларына 24 мың тоннадан астам ет өнімдері, 200 миллион данадан астам жұмыртқа, 100 мың тонна сүт өнімдері жеткізілді. Ақмола тауар өндірушілері елорда тұрғындарының ет пен сүт бойынша үштен біріне қажеттілігін қамтамасыз етуде.
