Санитарлық-эпидемиологиялық бақылау қызметтерінің материалдық-техникалық базасын нығайту мақсатында Қазақстан Республикасы Денсаулық сақтау министрлігінің санитариялық-эпидемиологиялық бақылау комитеті республикалық бюджет қаражаты есебінен 132 бірлік автокөлік сатып алды. Автокөдліктер еліміздің барлық санитарлық-эпидемиологиялық бақылау департаменттеріне бөлінді.
Қазақстан Республикасының Тәуелсіздік күні қарсаңында 9 жаңа автокөліктің кілтін Ақмола облысы бойынша санитарлық-эпидемиологиялық бақылау департаментінің аумақтық бөлімшелері де алды: Астрахань, Бұланды, Бурабай, Есіл, Зеренді, Сандықтау, Целиноград аудандары мен Көкшетау қаласының санитарлық-эпидемиологиялық бақылау басқармалары, сондай-ақ Ақмола облысының санитарлық-эпидемиологиялық бақылау департаментінің қызметі.
Кілт табыстау салтанаты ағымдағы жылдың 10 желтоқсанында «Көкшетау» мәдениет үйінің ауласында өтті.
Санитарлық қызмет өкілдеріне жаңа автокөліктердің кілтін Ақмола облысының бас мемлекеттік санитарлық дәрігері Айнагүл Советқызы Мусина табыстады.
Оның айтуынша, бұндай қолдаудың арқасында департамент қызметтерінің қызметкерлері өз алғыстарын білдіріп, аймақтағы қолайлы эпидемиологиялық жағдайды сақтау үшін бұдан да үйлесімді жұмыс істеуге тырысады.
