Степногорск қаласында мүгедектігі бар адамдарға арналған демалыс орталығы ашылды. 260 шаршы метрлік спорт залы арнайы көпфункционалды тренажерлармен, жүгіру жолдарымен жабдықталған, сонымен қатар үстел теннисіне арналған үстелдер бар. Күн сайын кесте бойынша 20-ға жуық адам айналысады, деп хабарлайды облыс әкімінің баспасөз қызметі.
Жұмыс сапары аясында облыс әкімі демалыс орталығына барды.
«Біздің бірлескен жұмысымыздың нақты жемісін көру – өте жақсы. Жуырда мүгедектігі бар адамдардың мәселелері бойынша үлкен Форум өткіздік. Келесі жылы осы бағытта көптеген жоспарларымыз бар», – деді аймақ басшысы Ермек Маржықпаев.
«Жыл сайын кәсіби спортпен шұғылданғысы келетіндердің саны артып келеді. Биыл 5 шебер мен спорт шеберіне үміткер пайда болды. Біз балаларды әлі қабылдай алмаймыз, оларға «Спешиал Олимпикс» жеке бағдарламасы қажет. Қолдау үшін рахмет!» – деп Степногорск қаласы әкімінің мүгедектігі бар адамдар мәселелері жөніндегі кеңесшісі Станислав Мұхамадиев алғысын білдірді.
