Көкшетауда Ұлттық валюта күні мен ҚР Қаржы министрлігі Ішкі мемлекеттік аудит комитетінің 30 жылдығына орай Қазақстан Республикасы Қаржы министрлігінің аумақтық құрылымдарының қызметкерлері арасында спартакиада өтті, деп хабарлайды «AqmolaNews» ақпараттық агенттігі.
Жарыс шағын футбол, волейбол, үстел теннисі және шахматтан өтті.Спорттық шараға 4 команда қатысты. Бұл Ақмола облысы бойынша Мемлекеттік кірістер департаментінің, Ішкі мемлекеттік аудит департаментінің, Қазынашылық департаментінің және Мемлекеттік мүлік және жекешелендіру департаментінің құрама командалары.
Жарысты ашқан Ішкі мемлекеттік аудит департаментінің Ақмола облысы бойынша департаментінің басшысы Бауыржан Қабдыраш бұл спартакиаданың маңызды екенін, ол ұжымды біріктіруге және салауатты өмір салтын насихаттауға мүмкіндік беретінін атап өтті.
Спартакиада қорытындысы бойынша волейбол, үстел теннисі және шахмат бойынша Ақмола облысы бойынша Мемлекеттік кірістер департаментінің қызметкерлері жеңімпаз атанды, олар 1 командалық орынмен марапатталды. Шағын футболдан өткен жарыста Ішкі мемлекеттік аудит департаментінің командасы жеңіске жетіп, қорытындысында жалпы командалық екінші орынды иеленді. Үшінші жалпыкомандалық орынға Мемлекеттік мүлік және жекешелендіру департаментінің командасына қол жеткізді. Жарыс жеңімпаздары мен ерекшеленген ойыншылар кубоктармен және дипломдармен марапатталды.
