Ағымдағы жылдың 24 қазанында Бурабай аудандық полиция бөлімінің кезекші бөліміне жедел жәрдем станциясының диспетчерінен Щучинск қаласында «Лиза» дүкенінің жанында ЖКО болғандығы туралы хабарлама келіп түсті.
Щучинск қаласының 22 жастағы тұрғыны «Toyota Windom» маркалы автокөлігінің жүргізушісі көктайғақ жағдайында рөлді басқара алмай 47 жастағы жергілікті тұрғынның басқаруындағы «ВАЗ-2114» маркалы автокөлікпен соқтығысуға жол бергені алдын ала анықталды. ЖКО нәтижесінде «ВАЗ-2114» маркалы автокөліктің жүргізушісі мен жолаушысы түрлі жарақаттармен ауруханаға жеткізілді. Сараптама тағайындалды. ҚР ҚК 345-бабының 1-бөлігіне сәйкес «Көлік құралдарын басқаратын адамдардың жол жүрісі немесе көлік құралдарын пайдалану ережелерін бұзуы» бойынша сотқа дейінгі тергеу жүргізілуде.
Температураның ауытқуына байланысты Ақмола полицейлері жүргізушілерді жолдарда абай болуға шақырады: жылдамдық режимі мен жол қозғалысы ережелерін сақтап, автокөліктің техникалық жағдайына, әсіресе тежегіш жүйесі мен шиналардың күйіне, олардың маусымына сәйкестігіне назар аудару қажет.
