Бүгін түнде полиция қызметкері қаза тапқан жол апатына қатысты мәлімет берілді, деп хабарлайды «AqmolaNews» Рolisia.kz-ке сілтеме жасап.
«Жол-көлік апаты 17 қазан күні сағат 02.00 шамасында Ақмола облысының Ақкөл қаласында болғанын хабарлаймыз. Салдарынан Ақкөл аудандық полиция бөлімінің тергеушісі қаза тапты.
Алғашқы ақпарат бойынша, «Toyota Carina« маркалы автокөліктің жүргізушісі рульге ие бола алмай қалып, «Seat Alhambra« маркалы автокөлікпен соқтығысқан.
Жол апатынан жүргізуші оқиға орнында көз жұмып, шетелдік көліктің екі жолаушысы және екінші көліктің екі жолаушысы медициналық мекемеге жеткізілді. «Seat Alhambra« маркалы автокөліктің жүргізушісі зардап шеккен жоқ», – делінген полиция мәліметінде.
Аталған факті бойынша ҚР Қылмыстық кодексінің 345-бабы 3-бөлігі бойынша сотқа дейінгі тергеу басталды.
«Жол-көлік апаты қызметтен тыс уақытта, полиция қызметкерінің жеке автокөлігімен болғанын мәлім етеміз», – делінген хабарламада
Фото: t.me/POLICE_of_KZ
