Ақмола облысында Қазақстан Республикасы Қарулы күштерінің 30 жылдығы, Қазақ ханы Кенесары Қасымұлының 220 жылдығына, Ұлы қолбасшы Қабанбай батырдың 330 жылдығына арналған «Жігіт сұлтаны» облыстық байқауы өтеді. Байқауға Аршалы, Атбасар, Егиндыкөл, Жақсы, Зеренді, Шортанды, Есіла удандары мен Көкшетау, Степногорск, Қосшы калаларынан 20-29 жас аралығындағы жас дарынды жігіттер қатысады.
Байқаудың жастардың бойында ұлттық тәрбие құндылықтарын дамыту, жастардың жеке тұлға ретінде жарасымды дамуына, шығармашылық және жоғары зияткерлік әлеуетін арттыруға ықпал ету, ұлтжандылық сезімін ұштап, Отанына деген махаббатын кеңінен насихаттау, өскелең ұрпақтың өн бойына ұлттық рухты сіңіру мақсатында өткізіледі.
Бес кезеңнен тұратын байқауда қатысушылар ұлттық спорт түрлерінде (жамбы ату, аударыспақ, «Қазақша күрес», армлестлинг) күш дайындығын, сондай-ақ өздерінің шығармашылық қабілеттерін көрсетеді.
Байқау жеңімпаздары ұйымдастыру алқасының тағайындаған сыйлықтармен және дипломдармен марапатталады.
Өтетін күні мен орны:
06 қазан 2022 жыл, сағат 12.00
«Құлагер» ипподромы, Красный Яр ауылы07 қазан 2022 жыл, сағат 16.00
«Көкше» мәдениет үйі, Красный Яр ауылы
