«Шектеу көрші елдерге көмір шығару оқиғалары көбейген соң енгізілді»,-деп хабарлайды informburo.kz.
Индустрия және инфрақұрылымдық даму министрлігі ел шекарасы аумағынан көмірді автокөлікпен шығаруға уақытша шектеу қойды.
«Уақытша шектеу тұрғындар мен коммуналдық және әлеуметтік нысандарға арналған көмірдің шекаралас өңірлерге автокөлікпен тасымалданып, қатты отынды көршілес мемлекеттерде қайта сату үшін шығарылған фактілердің анықталуына байланысты енгізіліп отыр» делінген министрліктің хабарламасында.
Ведомствоның бұл шешімі жергілікті көмір тиеу тұйықтары мен өңір әкімдіктерімен бірлесіп әзірленген. Басты мақсат – 2022-2023 жылдарындағы жылу беру маусымы кезеңінде көзделген межені орындау және елдегі көмір тапшылығын болдырмау.
Фото: informburo.kz
