2022 жылғы 26 тамызда Ақмола облысының тұрғындарымен кездесу барысында Энергетика министрі Болат Ақшолақов Ақмола облысына 83 мың тонна дизель отыны немесе ел бойынша барлық көлемнің 5-ші бөлігі қарастырылғанын хабарлады.
Ағымдағы сәтте дизель отынын ауыл шаруашылығы тауарын өндірушілердің атына тиеп-жөнелту график бойынша жүзеге асырылады.
Бүгінгі күні күзгі жиын-терін жұмыстарын уақтылы және тұрақты жүргізу үшін еліміздегі ауыл шаруашылығы тауарын өндірушілердің атына мұнай өңдеу зауыттарында 1 тоннасы үшін 222 мың теңге (184 теңге/литр) бағасы бойынша 423 мың тоннадан астам дизель отыны бөлінді, бұл өңірге байланысты бөлшек сауда бағасынан орта есеппен 15-25% – ға төмен.
Сонымен қатар, ауыл шаруашылығы тауарын өндірушілер үшін дизель отынын жеткізу нарығын реформалау бөлігінде мынадай шаралар пысықталуда:
– байланыс деректерін, егістік жерлердің жалпы алаңын, жанар-жағармай материалдарға деген қажеттілігін көрсете отырып, аумақтық бөліністе ауыл шаруашылығы тауарын өндірушілердің деректер базасын құру;
– отын тарату үшін электрондық-ақпараттық жүйені енгізу, бұл ауыл шаруашылығы өндірушілеріне мұнай базаларынан немесе ресурс ұстаушылардан мұнай өнімдерін өз бетінше сатып алуға мүмкіндік береді.
ҚР Энергетика министрлігінің баспасөз қызметі
фото: life09.kz
