Облыс орталығының көшелеріне рейд жүргізу барысында «Әскер-7» патрульдік полиция батальонының экипажы жергілікті тұрғынның басқаруымен жүріп келе жатқан «Suzuki Liana» маркалы автокөлігін тоқтатты.
Тиісті құжаттарды тексеру және жүргізушімен әңгімелесу кезінде полицей автокөлік иесінен шыққан алкогольдің өткір иісін сезді. Мас болу дәрежесін анықтау мақсатында қала тұрғыны басқарудан шеттетіліп, медициналық куәландырудан өту үшін наркологиялық орталыққа жеткізілді. Нарколог дәрігердің қорытындысына сәйкес, ер адам көлікті орташа мас күйінде басқарған.
Тәртіп бұзушыға қатысты полиция қызметкерлері ҚР ӘҚБтК-нің 608-бабының 1-бөлігі бойынша әкімшілік хаттама толтырды.
Баптың санкциясына сәйкес ақмолалық 15 тәулік мерзімге әкімшілік қамауға алынып, көлік құралын басқару құқығынан 7 жылға айырылуы мүмкін.
