Құрама жем саласын дамыту ауыл шаруашылығы өндірісінің көлемін ұлғайтудың драйвері. Биыл Есіл ауданының агроөнеркәсіпорындарының бірінде жаңа құрама жем зауыты ашылды. 1989 жылы құрылған «Рау Агро» серіктестігі қызметі өсімдік және мал шаруашылығына бағытталған. Алқаптарға майлы және дәнді дақылдар себілген. Ал, мал басының саны биыл 400ден асады. Сондықтан сапалы және арзан бағадағы азықпен қамтамасыз ету қажеттілігі туындады.
«Өңір бойынша жиі сапарларда жануарлар үшін құрама жемнің тойымды екендігін аңғардым. Сол өнімді өзіміз неге өндірмеске деген ой келді. Жобаны іске асыруға дайындықты 2019 жылы бастадық. 2020 жылы құрылысқа рұқсат берілді. Менің фермам Калачи ауылында, бірақ мен кептіргіштің, механикалық токтың және зауыттың құрылысын Есілде бастауды жөн көрдім. Өткен жылы пайдалануға беріліп, биыл алғашқы өнім шығарыла бастады», – дейді «Рау Агро» серіктестігінің директоры Қайрат Әлібеков.
Жаңа құрама жем зауытының қуаттылығы сағатына 2,5 тоннаны құрайды. Мұнда малдың барлық түрлеріне арналған құрама жемдердің толық рационы өндіріледі. Өндіріске арналған шикізат ауылшаруашылық алқаптарынан жеткізіледі, бұл дайын өнімнің өзіндік құнына айтарлықтай әсер етеді. Ал жабдық Германия мен Ресей Федерациясынан импортталды, оны сатып алу үшін 370 миллион теңгеден астам сомаға өнім инвестицияланды.
« Қазір біз құрама жемді бос күйінде және қаптарда шығарамыз. Болашақта түйіршіктелген өндіріске көшуді жоспарлап отырмыз. Құрама жем-шөптің өзіндік құнын азайту үшін суармалы егіншілікті де қолдануды жоспарлап отырмыз, өйткені алқаптардың жанында Есіл өзені орналасқан», – деп бөлісті Қайрат Әлібеков.
Бұл жобаның Есіл ауданында баламасы жоқ. Зауыттағы барлық процестер автоматтандырылған, сондықтан жұмысқа барлығы 7 адам тартылған. Жаңа құрама жем зауытының өнімі өндіріс көлемінің аздығына қарамастан, Ақмола және Қостанай облыстарының тұрғындары арасында қазірдің өзінде танымалдыққа ие.
Камила Әбделманова
