«Қазыналық қазба ұлт құндылығы» жобасы негізінде 6 маусым мен 6 шілде аралығында Зеренді ауданының Кенеткөл ауылының маңында экспедиция өтті. Аталмыш іс-шара біздің дәуірімізге дейінгі 17-15 ғасыр, қола дәуіріне жататын қорымдарда өткізіліп, ақмола облысы мәдениет басқармасының «Тарихи-мәдени мұраны қорғау және пайдалану орталығы» ұйымдастырылды.
Экспедицияға Шоқан Уәлиханов атындағы Көкшетау университетінің және Абай Мырзахметов атындағы жоғарғы оқу орнының «Тарих» мамандығы бойынша білім алып жүрген студенттер мен әр елді мекеннен келген мектеп оқушылыры қатысты. Қазба жұмыстары барысында қыш ыдыстар, қола моншақтар, тағы да көптеген тың жәдігерлер табылды.
Студенттер мен оқушыларды археологиялық объектілермен таныстырып, тарихи олжаларды іздеу және зерттеу сынды игі бастамалар өскелең ұрпақ бойында елдің тарихына деген құрметпен, патриотизнің дамуына сеп болмақ. Бұл жолы оқушылар қыш ыдыстарды өздері жинап, тазалап, артефактілермен жұмыс жасады.
