Көкшетау NIS 10 «Д» сынып оқушысы Нурзюляль-Наиле Экиджи Болгарияның Варна қаласында өткен киокушинкай-кан каратэден «KWU WORLD YOUTH CUP 2022» әлем Кубогының чемпионы атанды.
– Мен бұл турнирге 1 айдан астам уақыт бойы, күніне 2 реттен дайындалдым. Жаттығулар ұзақ болуымен қатар, соншалықты қиын да болды. Мен өзімнің жеңіске жеткенімді естіген сәтте өзіммен қанағаттандым. Себебі төгілген тер мен еңбек ақталды. Мен өзіммен, бапкерлеріммен және ата-анаммен ерекше мақтанамын. Олардың бұл жеңістегі үлесі орасан зор, – деп атап өтті Нурзюляль.
– Бұл бапкерлердің, ата-аналардың, тұтас құраманың еңбегінің жемісі. Біз бұл жаңалықты естігенде, қатты қуандық. Қайткенмен де, бұл әлем Кубогы ғой. Біз, ата-ана ретінде өз балаларымызды әрдайым қолдаймыз, – деді Нурзюляльдің анасы Елена Экиджи.
Байрақты бәсеке 14-15, 16-17 және жастар арасында 18-21 жас ерекшеліктеріне сәйкес өткізілді. Әлем Кубогына 22 елден 350-ден астам спортшы қатысты.
