Кеше Изобильное ауылының 30 га аумағында, сондай-ақ, Ерейментау ауданы Жолбасшы ауылының маңында, 18 га алаңда шөп өртенді, – деп хабарлайды Ақмола облысы ТЖД баспасөз қызметі.
«Сағат 19: 24-те Изобильное а.ауданында шөптің өртенгені туралы телефон хабарламасы келіп түсті. Шақыру орнына жергілікті атқарушы органдардың 3 техникасы мен 10 адамы, сондай-ақ, облыстың ТЖД 3 техникасы мен 15 күші мен құралдары жіберілді. Өрт аумағы 30 га құрады, оны сағат 02:45-те жойылды. Бірақ 23 минуттан кейін Павлодар облысының шекарасында Жолбасшы ауылы маңында шөптің өртенгендігі жайында жаңа хабарлама келіп түсті. Жоғарыда аталған күштер мен құралдар жедел түрде жаңа шақыру орнына жол тартып, таңғы сағат 04:00-де 18 га алқаптағы өртті сөндірді», – деді Ақмола облысы ТЖД бастығының орынбасары Манарбек Шапағатов.
Ақмола облысының ТЖД Өрт қауіпсіздігі ережелерін сақтау қажеттігін ескертеді. Өйткені, бір үлкен олқылық немесе абайсыздық қорқынышты салдарға әкеп соғуы мүмкін!
Ақмола облысы ТЖД баспасөз қызметі
