Сақ болыныз! Елімізде балалар психологиясына зиян келтіретін қорқынышты ойыншықтар көбейді. Адам өлтіруді үйрететін, қолына қару ұстатып, қатыгездікке итермелейтін кейіпкерлерді жай ойыншық деп қарайтындар аз емес. Мәселен, Хагги Вагги мен
Сюжетте басты кейіпкер, Playtime Co ойыншықтар фабрикасының бұрынғы қызметкерлері, яғни ,әріптестерінің жұмбақ жоғалуын зерттейді. Ол тасталған ғимаратты аралап, VHS кассеталарын жинап, болған оқиғаның суретін қалпына келтіруге тырысады. Бір сәтте үшбұрышты басы, үлкен қызыл ерні және бірнеше қатарлы өткір тістері бар Хагги Вагги есімді компаниясының ең танымал ойыншықтарының бірі оны қуа бастайды.
Ойыншы ұсталып қалған жағдайда құбыжық оны аяусыз бөлшектеп жейді.
Бұл ойынға нақты жас шектеуі қойылмаған. Осы сынды өзге ойындармен салыстыра отырып 18+ екенің аңғаруға болады. Дегенмен ойын ең алдымен бүлдіршіндер мен жасөспірімдер арасында үлкен сұранысқа ие. 2021 жылдың күзінде ол YouTube-тағы балалар сұранысына байланысты ең танымал топ-10дыққа кірді.
«Жас шектеуі қойылып, дүкен сөрелерінде бұл құбыжық ойыншықтар азайса деймін. Қатарластарынынан қалмай менің де балам осы ойыншықты сатып алды. Қазір түнде қорқынышты түс көріп, шошып оянатынды шығарды. Ананың түрінен 6 жастағы ұлым тұрмақ 40тан асқан өзім шошимын»-, дейді 3 баланың анасы Айгерім Құдайбергенова.
Дүкен сөрелерінде жайғасқан қызылды-жасылды ойыншықтардан көз сүрінеді. Солардың арасында бала денсаулығына, психологиясы мен дамуына кері әсер ететін заттар да жетерлік. Арнайы мамандар ойыншықтардың тек сыртқы материалын ғана тексереді. Яғни аллергия тудыра ма, құрамында қауіпті қоспалар ма деген сауалдарды назарға алады. Демек ойыншықтардың бала психологиясы әсеріне ешкім бас ауыртып жатқан жоқ. Ол тек ата ананың ғана жауапкершілігінде»-, дейді психолог мамандар. Деректерге сүйенсек елімізге келетін ойыншықтардың 73 пайызы Қытайдан, 16 пайызы Ресей мен Беларусь елдерінен келеді.
Камила Абдельманова
ФОТО: МИМИБОКС
