Бүгін, 2022 жылдың 2 маусымында Ш.Уәлиханов атындағы Көкшетау университетінде конституциялық реформаларды түсіндіру мәселелеріне арналған «Жастар референдумды қолдайды» тақырыбында оффлайн форматында дөңгелек үстел өтті.
Іс-шараға жоғары оқу орнының жас ғалымдары, студенттік парламент мүшелері, белсенді студенттер, Іс-шараға Ақмола әкімшілігі мен мәслихатының «Арқа ажары» облыстық газеті, «Көкше» облыстық арнасы қатысты.
Дөңгелек үстел модераторы Басқарма мүшесі, ғылыми жұмыс және өңірмен өзара іс-қимыл жөніндегі проректор Жақыпова Айгүл Досжанқызы қатысушыларды спикерлермен таныстырып, алдағы уақытта өткізілетін республикалық референдумның мәні мен мақсаты жөнінде айтып берді.
«Ақмола облысы жастар ресурсы орталығы» МКМ-нің ақпараттық-талдау бөлімінің жетекшісі Сыздыкова Ляззат Қуатқызы өз сөзінде өткізілгелі отырған референдумның маңызы зор екендігі және бүгінгі күні белсенді жастар саны көбейіп келе жатқаны, сонымен қатар қоғамдағы өзекті сұрақтарды, саяси мәселелерді талқылауда жастардың үні маңызды орын алатынын айтты.
Дөңгелек үстел барысында «Тарих» білім беру бағдарламасының 2 курс докторанты, жас ғалым Талапкер Уәлиев сөз сөйледі. Ол Қазақстан тарихы контексінде ҚР Конституциясының қалыптасу тарихына жан-жақты тоқталды.
Атап айтқанда, ол 1993 жылы алғашқы Конституцияның қалай құрылғанын, 1995 жылы 30 тамызда қабылданған екінші Конституцияның тарихи рөлі мен маңыздылығын айтты.
Қорытындылай келе, Конституция – саяси тұрақтылықтың маңызды факторы, азаматтық бейбітшіліктің, әлеуметтік және ұлттық келісімнің кепілі, сондай-ақ мемлекеттің басты міндеті – адам және оның өмірі ең қымбат құндылықтар болып табылатын, жеке адамның құқықтары мен бостандықтарын қорғау болып бекітілгенін атап өтті.
«Ш.Уәлиханов атындағы Көкшетау университеті» КеАҚ баспасөз хатшысы Ясмина Найзақұл
