Бұл күн ұлттық, мемлекеттік деңгейдегі елеулі мереке болғандықтан, 16-17-желтоқсан күндері күнтізбеде демалыс есептеледі. Тәуелсіздік күніне орай көптеген қазақстандық марапатталған болатын.
Сонымен қатар, Нұр-Сұлтанда отшашу шашылды. Алматыда отшашу 16 желтоқсанда сағат 21.00-да ҚБТУ алаңынан басталады деп жоспарланған.
Кеше, 15 желтоқсанда Мемлекет басшысы Қасым-Жомарт Тоқаев Қазақстан Республикасы Тәуелсіздігінің 30 жылдығына арналған салтанатты жиында ең басты міндетіміз бейбіт өмірді, тыныштық пен тұрақтылықты сақтау екеніне тоқталып, Тәуелсіздік бәрінен қымбат екенін баса айтқан еді.
Сонымен қатар, Қазақстан Ұлттық Банкі «Тәуелсіз Қазақстанға – 30 жыл» коллекциялық монеталарын айналымға шығаратынын мәлімдеді.
