Ұлыбританиялық журналист Бен Смит қазақстандық Фируза Шәріпованың жеңіл салмақтағы абсолютті әлем чемпионы, ирландиялық Кэти Тэйлорға қарсы жекпе-жегінен алған әсерін айтты. Сарапшы жеңілгендердің судьяға берген шағымдарына қатысты пікір білдірді, – деп хабарлайды Tengrinews.kz тілшісі Vesti.kz сайтына сілтеме жасап.
Ливерпульдегі жекпе-жек он раундқа созылды, нәтижесінде Тейлор жеңіске жеткен еді.
«Шынымды айтсам, Тейлор мен Шарипованың жекпе-жегінен көңілім қалды. Чемпион күшін үнемдеді, ал үміткердің оны бұл үшін жазалауға мүмкіндігі болмады. Қазақстандық нокаутқа түсіре алмады. Шарипованың басты жетістігі – қашықтықты сақтап тұра алуы. Дегенмен оның біржақты төрешілік туралы әңгімесі – жай ғана шу көтеру. Тейлор басымдықпен жеңді», – деді Смит.
Жекпе-жектен кейін Шарипова бүкіл карьерасындағы рекордтық деңгейдегі төлем алды, бірақ біржақты судьяға шағымданды. Тейлор өз кезегінде қарсыласын мақтап, болашақ жоспарларын айтты.
