Бүгінге дейін Ақмола облысында 1680 адам «Комернати» вакцинасымен егілді. Олардың көпшілігі жасспірімдер. Бұл туралы санитарлық-эпидемиологиялық бақылау басқармасының басшысы Айнагүл Мусина айтты, деп хабарлайды «Aqmola News».
Ілияс ӘУБӘКІРОВ.
15 қарашада 12 жастан асқан жасөспірімдерді, жүкті және бала емізетін әйелдерді Pfizer/BioNTech шығарған Комирнати вакцинасымен егу басталды.
«Бүгінгі таңда облыс бірінші компоненттің 35 100 дозасын алды. Олар 1 680 адамға екпе салды. Оның ішінде 21 жүкті әйел, 344 бала емізетін ана, 12 мен 17 жасты қоса алғанда 1 315 жасөспірім бар», – деді облыстың бас санитарлық дәрігері.
Айнагүл Мусина балалар арасындағы коронавирусқа байланысты эпидемиологиялық жағдайға да тоқталды.
«Жаңа оқу жылынан бері облыста мектеп оқушылары арасында COVID-19 инфекциясының 1392 жағдайы тіркелді. Жалпы білім беретін мектептердің қызметкерлері арасында 335 жағдай анықталды, оның ішінде 274-і штаттық режимде, 60-ы қашықтықтан.Сонымен қатар мектеп қызметкерлері арасында екпе алмағандықтан 1 жағдай анықталды. Бүгінгі таңда облыстың 42 мектебінде 67 сынып қашықтықтан оқыту форматына көшірілді», – деді Ақмола облысы бойынша санитарлық-эпидемиологиялық бақылау департаментінің басшысы.
