Ақмолалық садақшы Азия чемпионатында күміс жүлдеге ие болды, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
Садақ атудан Азия чемпионаты Бангладеш халықтық республикасының астанасы Дакка қаласында өткен.
«Қазақстан құрамасының сапындағы ерлер командасы турнирдің финалдық кезеңіне өткен. Целиноград балалар және жасөспірімдер спорт мектебінің тәрбиеленушісі Андрей Тютюн бар үштік Оңтүстік Кореяға бір ұпай айырмашылығымен есе жіберіп күміс жүлдеге ие болды. Есеп 235-236 ғана болған», – дейді ведомствоның баспасөз хатшысы Махаббат Большина.
Осылайша еліміздің садақшылары континент біріншілігінде күмісті қоржынға салды.
