Тараз қаласында өткен халықаралық турнирде бағын сынаған ақмолалық жас боксшылар алтын мен күмістен олжа салды, деп хабарлайды «Aqmola News» Ақмола облысы дене шынықтыру және спорт басқармасының баспасөз қызметіне сілтеме жасап.
2007-2008 жылдар арасында туған жастар арасындағы халықаралық турнирде Өзбекстан, Тәжікстан, Қырғызстан және Қазақстан спортшылары шаршы алаңға шыққан.
Ақмола облысының спортшылары өте жоғары нәтиже көрсетіп қоржынға қос медаль салды.
«52 келі салмақ дәрежесінде қарсылас шақ келтірмеген Бауыржан Мұратов алтыннан алқа тақты. Ал 40 келдіе Әлихан Жетпісов күміс медальға қол жеткізді», – дейді ведомствоның баспасөз хатшысы Махаббат Большина.
Жігіттер Рамазан Серікпаев, Руслан Әбілов және Константин Рыбинскийдің жетекшілігімен жаттығады.
