Бүгін Қосшы қаласында KFC компаниясының жылдам тамақтану мейрамханасы ашылды. Жаңа қоғамдық тамақтандыру нысанының ашылу салтанаты өткізіліп, оған қала әкімі Ғайдар Қасенов қатысты,-деп хабарлайды «Aqmola News».
Қосшы қаласының әкімі тұрғындарды айтулы оқиғамен құттықтап, салтанатты түрде лентаны қиып,мейрамхана басшылығына табыс пен өркендеу тіледі.
Республика көшесінен орын алған мейрамхана жылдам тамақтандыру бағытын ұстанады.
Бұл әлемге әйгілі қоғамдық тамақтану брендінің Ақмола облысының аумағында бірінші болып есігін айқара ашып жатқанын атап өту керек,-делінген баспасөз хабарламада.
Филиал басшылығы KFC барлық мейрамханаларындағыдай, өнімнің жоғары сапасына және бастапқы өнімдер мен ингредиенттерді сақтау мен тасымалдаудың ең жақсы жағдайларын қамтамасыз ететін жеткізушілерді таңдауға кепілдік беретін бірыңғай стандарттарды қолдайтынын атап өтті.
Мейрамхана 25-тен астам жаңа жұмыс орындарын құруға мүмкіндік беріп отыр.
