Облыстың бас құтқарушысы Нұрлан Атығаев облыс әкімдігінде өткен отырыс барысында Ақмола облысындағы қысқы кезеңдегі төтенше жағдайларға дайындық барысы туралы хабардар етті, деп хабарлайды «Aqmola News» Ақмола облысы төтенше жағдайлар департаментінің баспасөз қызметіне сілтеме жасап.
Мәселен, қар басатын учаскелерге жақын маңда 193 тамақтану пункті, 268 жылыту пункті айқындалғаны белгілі болды.
«Ақмола облысы төтенше жағдайлар Департаменті қысқы кезеңдегі ТЖ-ға жедел ден қою мақсатында жеке құрамның 370 сарбазы мен өтімділігі жоғары шассиі бар 76 автомобильді әзірледі. Олар төтенше жағдайлар болуы мүмкін жағдайларды барынша ескере отырып бөлімшелер бойынша бөлінген.
Облыстың автожолдарында шұғыл медициналық көмек көрсету үшін үш трассалық медициналық-құтқару пункті жұмыс істейді, олар шұғыл жағдайларда жылыту пункттері ретінде пайдаланылуы мүмкін. Аудандар мен қалалардың әкімдіктері 642 бірлік қар жинау және инженерлік техника, ЖЖМ – 232,6 тонна, көктайғаққа қарсы – 3939,5 тонна материал дайындады. Жалпы алғанда, бұл көрсеткіштер өткен жылғыға қарағанда сәл жоғары», – деп атап өтті ведомствоның баспасөз қызметінен.
Сөз соңында спикер боран мен қатты аяз кезінде облыс тұрғындарын ТЖ туралы ескертетінін, алайда көптеген жүргізушілер талаптарды елемей, жолға шығатынын, осылайша қар құрсауына түсіп, өмірлерін қатерге тігетінін атап өтті.
«Ақмола облысы Төтенше жағдайлар департаменті қыс мезгіліндегі төтенше жағдайларды болдырмау үшін бірінші кезекте ауа-райының өзгеруін, метеорологиялық мәліметтерді үнемі қадағалап отыру қажеттігін ескертеді. Егер қажет болмаса, онда елді мекеннен тыс жерлерге баруды қажет ететін ұзақ сапарлардан бас тартқан дұрыс. Төтенше жағдайлар туындаған кезде «112» телефон нөміріне хабарласу қажет», – деп толықтырды төтенше жағдайлар департаментінен.
