2021 жылдың 26 қазан күні сағат 18:30-да «Көкшетау» облыстық мәдениет сарайында шығармашылық ұжымдардың «Өнерге қанат қаққандар» атты жұмыс маусымының ашылуы өтті,-деп хабарлайды облыстық мәдениет, архивтер және құжаттамалар басқармасының баспасөз қызметі.
Маусымның ашылуы кезінде көрермендерге 2020-2021 жылғы пандемия кезінде атқарылған жұмыстар туралы бейнеролик ұсынылды, сондай-ақ жаңа, жарқын нөмірлер көрсетілді.
Концерттік бағдарламаға «Көкшетау», «Он алты қыз», «Шалқыма», «Сувенир» халықтық би ұжымдары, «Тұмар» заманауи би ансамблі, ардагерлердің халық хоры, «Кербез сұлу» халықтық фольклорлық ансамблі, «Полянка» үлгілі хореографиялық ұжымы, «Көркемтау» домбырашылар ансамблі және «Шамшырақ» эстрадалық вокал студиясы қатысты,-делінген хабарламада.
