Ақмолалық каратешілер ел чемпионатында күміс және қола жүлдені еншіледі, деп хабарлайды «Aqmola News» Ақмола облысы спорт және денешынықтыру басқармасының баспасөз қызметіне сілтеме жасап.
WKF каратесінен Ақтау қаласында мәресіне жеткен Қазақстан Республиксының чемпионатына 200 спортшы қатысқан.
«Ақмола облысының спортшылары командалық катада күміс жүлдеге ие болды. Атап айтқанда, Илья Дик, Әділ Тәшім және Шахман Мәжитов жеңіс тұғырына көтерілді. Ал Никита Дик, Серік Сайын және Жаскен Әли қола жүлдені қоржынға салды», – дейді ведомствоның баспасөз хатшысы Махаббат Большина.
