Көкшетауда кезекті ауыл шаруашылығы жәрмеңкесі өткізіледі. Ол 16-қазанда,яғни сенбі күні Тәуелсіздік алаңында ұйымдастырылмақ. Бұл туралы тұрғындарға қала әкімдігі құлаққағыс етті, деп хабарлайды «Aqmola News»ақпарат агенттігі.
16 қазан күні сағат 8.00-де «Тәуелсіздік» алаңында Ақмола облысы тауар өндірушілерінің қатысуымен ұсақ көтерме сауда өтеді.
Жәрмеңкеде ұн, сүт, көкөніс өнімдерінің, жұмыртқа мен құс етінің кең ассортименті тауар өндірушілердің сату бағасымен ұсынылады (делдалдарсыз),-делінген хабарламада.
Өткен жолы ақмолалық аграрлар 36 тонна ет өнімдері мен шұжық түрлерін, 4,5 тонна сүт өнімдерін, 170 мыңға жуық жұмыртқа мен 1,1 тонна балық және 6,5 тонна картоп пен 3 тонна ұн ұсынған еді.
