Көкшетауда 11-14 қазан аралығында «Сәлем, Елорда» атты ІІ республикалық өнер шеруі өткізіледі, деп хабарлайды «Aqmola News».
Шараны ұйымдастырушы Қазақстан Республикасының Ұлттық кітапханасының мәліметінше өнер шеруі шеңберінде елдің түкпір-түкпірінен жиналатын аудандық кітапханалар шеберлік сағаттарын өткізбек.
«Бүгін қонақтардың алды Ақмола облысы әмбебап ғылыми кітапханаға ат басын бұрды. Олардың қатарында Қазақстан Республикасы Ұлттық кітапханасының директоры Оспанова Бақытжамал Қайырбекқызы, Қазақстан Республикасы Ұлттық кітапханасы директорының орынбасары Искалиева Нұрия Аманғалиқызы, Қазақстан Республикасы Ұлттық кітапханасының ғылыми -әдістемелік қызметінің жетекшісі Махамбетова Гүлмира Абылайханқызы бар», – дейді Мағжан Жұмабаев атындағы облыстық ғылыми әмбебап кітапханадан.
