Ақмола облысында халықты коронавирустық инфекцияға қарсы иммундау жалғасуда, деп хабарлайды ішкі саясат басқармасы.
Вакцинацияланған халық саны бойынша облыс көшбасшыларының бірі Қорғалжын ауданы болып табылады, онда тиісті халықтың 95% – дан астамы егілді.
Аудан әкімінің орынбасары Дарын Сабырғалидің айтуынша, өңірде екпе алғысы келетіндер саны күн сайын артып келеді.
«Бүгін біз вакцина коронавирустық инфекцияға қарсы ең тиімді құрал болып табылатындығына бәріміз куә болдық. Қиын жағдайға қарамастан, біздің тұрғындар тыныштықты сақтап, алға жылжуды жалғастыруда», – деп атап өтті спикер.
Сонымен қатар, ауданда халықты ынталандыру шаралары жүргізілуде. 2-4 қыркүйек аралығында вакцинацияланған аудан тұрғындары арасында ауыл шаруашылығы тауарларының ұтыс ойындары өткізіліп, ынталандыру сыйлықтары берілді.
Халықтың басым бөлігін иммундау Қорғалжын ауылының орталық алаңында ауыл шаруашылығы тауарларын өндірушілердің қатысуымен жәрмеңке ұйымдастыруға және өткізуге мүмкіндік берді. Жергілікті мәдениет үйінің қызметкерлері де келушілерге мерекелік көңіл-күй сыйлады.
Бірінші күзгі жәрмеңкенің сөрелерінде ауыл тұрғындары төмен бағамен бидай, көкөніс, жеміс-жидек, дәнді дақылдар және мал азығын сатып алды.
Айта кетейік, Ақмола облысында бірінші компонентпен – 64,4%, екінші-53,8% халық егілді
