Щучинскіде ерлер арасында шаңғымен тұғырдан секіруден Гран-при жазғы сериясы кезеңі аяқталды.
Жарыс бағдарламасының екінші түрі үлкен тұғырдан секіру болуы тиіс еді.
Алайда қолайсыз ауа райына байланысты К-90 тұғырында жарысты тағы да өткізуге шешім қабылданды. Норвегиялық Халвор Эгнер Гранеруд 221,4 ұпай жинап, жеңіске жетті.
Екінші орынды 212,4 ұпаймен Робер Юханссон (Норвегия) иеленді. Үздік үштікті тағы бір норвегиялық Мариус Лидвик 211,8 ұпаймен түйіндеді. 196,2 ұпай жинаған қазақстандық Сергей Ткаченко оныншы орынды иеленді. Данил Васильев 187,1 ұпаймен 14-ші болып ойынды аяқтады.
