Краснояр селосында құбырларды жуу және дезинфекциялық алдын алу шараларының өткізілуіне байланысты «Есіл» филиалының «Нұра топтық су құбыры» құбырынан су беру жөндеу кезінде уақытша тоқтатылады. Бұл туралы Көкшетау қаласының әкімдігі мәлім етті, деп хабарлайды «Aqmola News».
Жөндеу жұмыстарына байланысты 6 қыркүйектен бастап 21 қыркүйекке дейінгі кезеңде су жанама су көздерінен берілмек. Алайда, ресурстың жетіспеушілігіне байланысты Краснояр селосының тұрғындарын қамтамасыз ету үшін су беру кестеге сәйкес жүзеге асырылмақ.
«Таңғы уақытта 07.00-ден 09.00- ге дейін жәнке кешкі уақытта 19.00-ден 21.00-ге дейін су беріледі. Күрделі технологиялық ауыстыру жұмыстарына және ағынның жылдамдығы мен бағытының өзгеруіне байланысты су сапасының уақытша төмендеуі мүмкін. Тұрғындардан түсіністік танытып су берілген уақытта оны үнемдеп қолдануды өтінеміз», – дейді Көкшетау қаласы әкімдігінен.
