Макинск қаласының Каменный карьер кентінің балалары үшін воркаут, ойын және футбол алаңы ашылып, балалардың қуанышында шек болмады, деп хабарлайды «Aqmola News».
Заманауи талаптарға сай жаңа жобаға воркаутта физикалық қабілеттерді дамытуға арналған алаң, кішкентай балалар үшін – сырғанақ, әткеншек, және жасанды көгалдан жасалған футбол алаңы бар.
«Балалардың қуанышы, спортпен айналысуы салуатты өмір салтанының кепілі және өскелең ұрпақ біздің болашағымыз. Барлықтарыңызды айтулы оқиғамен құттықтаймын, ойын алаңы, спорт алаңы сіздерге тек куаныш сыйлайтынына сенемін» – дейді, аудандық Мәслихат депутаты Шахман Құсайынов.
Естеріңізге сала кетейік, Макинск қаласында 5 балалар және спорт алаңдарының құрылысы облыстық бюджет есебінен жүзеге асырылуда. Қазіргі уақытта Степгеология кентінде балалар мен спорт алаңының құрылысы аяқталды. Сонымен қатар, қаланың басқа аудандарында да осыған ұқсас үш жобаның құрылысы аяқталуға жақын.
