Бұланды ауданында жергілікті кәсіпкерлер инфекциялық стационарға құны екі миллион теңге тұратын орталықтандырылған оттегі беру аппаратын орнатып берді, деп хабарлайды «Aqmola News».
Бұланды ауданының орталық ауруханасы базасының жанынан коронавирус инфекциясының алдын алу мақсатында шілде айынан бастап 4 кереуетті оқшаулағыш палата мен бұрынғы «Арай» оңалту оралығының балалар бөлімінде 50 кереуеттік инфекциялық стационар жұмыс істей бастаған.
«Осынау аса күрделі кезеңде аудан кәсіпкерлері де жағдайға бейжай қарамай инфекциялық стационарға орталықтандырылған оттегін беру аппаратын алып әрі орнатып берді. Дәл қазір коронавируспен ауырып жатқан науқастардың басым бөлігі осы құралға мұқтаж болып жатқан еді. Енді оттегі инфекциялық стационардың барлық палаталарына бірдей берілетін болды. Осы ізгі істері үшін аудан кәсіпкерлеріне шынайы алғысымызды білдіреміз», – дейді Бұланды ауданы әкімдігінің баспасөз қызметінен.
Індеттің күрт көбеюінен қазір мұндағы стационарда науқастардың 76 пайызға дейін толған.
