Ақмолалық спортшылар шаңғы спортынан жастар арасында өткен ел чемпионатында он жеті медальға ие болды, деп хабарлайды «Aqmola News».
Бұл туралы Ақмола облысы дене шынықтыру және спорт басқармасының баспасөз қызметі мәлім етті.
Облыс құрамасының қоржынында бес алтын, жеті күміс және бес қола жүлде бар.
«Щучинск қаласында мәресіне жеткен Қазақстан Республикасының жастар арасындағы шаңғы жарысы бойынша жазғы чемпионат біздің спортшылар үшін олжалы болды. Өңір намысын Сандықтау, Щучинск, Зеренді және Көкшетау қаласының балалар және жасөспірімдер спорт мектептерінің спортшылары қорғады», – дейді ведомствоның баспасөз хатшысы Махаббат Большина.
