Ақмола облысына Sinopharm (Қытай) компаниясының Vero Cell вакцинасы 4990 доза келіп түсті, деп хабарлайды ішкі саясат басқармасы.
Денсаулық сақтау басқармасының ақпараты бойынша, Sinopharm инактивтендірілген вакцинасы Қазақстанда қолдануға тіркелген кезекті препаратқа айналды.
Клиникалық сынақтардың үшінші кезеңінің нәтижелері бойынша бұл препарат клиникалық айқын коронавирустық инфекцияға қарсы 79% тиімділікті көрсетті. Госпитализацияға қарсы тиімділік 79% құрады.
«Әрқайсысы 4990 дозадан тұратын 2 компоненттен тұратын Вакцина. Бүгінгі таңда тапсырыс дайындалып, медициналық ұйымдарға жіберілді. Жеткізу облыстық қоймадан аудандық/қалалық деңгейдегі қоймаларға арнайы термоконтейнерлерде авторефрежираторда жүзеге асырылады», – деп хабарлады облыстық ведомстводан.
Жалпы, өңірге халықты иммундау басталғаннан бері Отандық Денсаулық сақтау министрлігі мақұлдаған V Спутник V, Qaz Vak, Hayat Vax, Согопа Vak және Vero Cell вакциналарының 540 мыңнан астам дозасы келіп түсті.
Естеріңізге сала кетейік, халықаралық сарапшылардың пікірінше, вакцинация коронавирустық инфекциямен күресте жалғыз және тиімді әдіс болып табылады.
Жалпы, осы жылдың ақпан айынан бастап 245 мыңға жуық адам бірінші компонентке, ал 189 мыңнан астам адам екінші компонентке егілді. Облыста 133 егу пункті, сондай-ақ 135 мобильді бригада жұмыс істейді.
Айта кетейік, стационарлық емде 1234 пациент бар, 125 пациент реанимацияда, 14 – і өте ауыр, 133 – і оттегіне тәуелді.
