«Әліппе» және «Букварь» оқулықтары Қазақстан мектептеріне қайта оралады. Бүгін білім және ғылым министрі Askhat Aimagambetov аппарат жиналысында қайтадан білім беру жүйесіне енгілізетін оқулықтарды таныстырды, деп хабарлайды «Aqmola News».
Бұл туралы Білім және ғылым министрлігінің баспасөз қызметі мәлім етті.
«1 қыркүйекте өтетін іс-шарада біз алғаш рет мектеп табалдырығын аттаған оқушыларға салтанатты түрде «Әліппе» оқулығын табыс етуіміз керек. Бұл – игі дәстүр. Аталған бағыттағы жұмысты уақытылы ұйымдастыру кажет. «Әліппе» – бүлдіршіндердің алғашқы оқулығы. «Әліппе» оқулығы әзірленіп, өңірлерге жеткізіліп жатыр. «Әліппе» ұлт ұстазы Ахмет Байтұрсынұлының әдістемесі негізінде жасалды», – деп атап өтті Білім және ғылым министрі Асхат Аймағамбетов.
