Алматы облысының Талғар қаласында өткен жастар және кадеттер арасындағы садақшылар чемпионатында ақмолалық спортшылар түрлі деңгейдегі сегіз жүлдеге ие болды, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
Жерлестеріміз төрт алтын, екі күміс және екі қола медальді қанжығаға байлап ел чемпиондары атанды.
«М1» жаттығуларында Мадина Заемова мен Андрей Тютин алтынанан алқа тақса, қола Елена Ноженконың еншісіне бұйырған.
«Олимпиялық шеңбер» жаттығуында Андрей Тютинге қарсылас шақ келмеді. Екінші орынға Рудольф Вебер мен Мадина Заемова тұрақтады. Командалық есепте және МІХ жаттығуларында Андрей Тютин, Рудльф Вебер және Рақымбек Майқыбаев алтыннан алқа тақты. Үздік үштікті Андрей Тютин мен Елена Ноженко түйіндеді», – дейді баспасөз хатшысы Махаббат Большина.
Сондай-ақ Қазақстан Республикасы спорт шебері нормативін Мадина Заемова және спорт шеберіне кандидат нормативін Айдана Әскербаева орындады.
