Ақмолалық жас теннисшілер республикалық турнирде екі алтын және бір қола медальмен олжалы оралды, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
Республикалық турниир екі жас санаты бойынша Петропавл қаласында өтті. Ақмола облысының намысын №7 облыстық олимпиада резервінің мамандандырылған балалар мен жасөспірімдер мектебінің жас спортшылары қорғады.
Жарыс қорытындысы бойынша «Қызыл доп» санатында (5-7 жас) Айлин Мырзахметова чемпион атанса, үшінші орынды Алуа Байдалина иеленді. Ал 8-9 жас аралығындағы «Қызғылт сары доп» санатында Айсұлтан Оразымбетов қарсылас шақ келтірмей алтыннан алқа тақты», – дейді басқарманың баспасөз хатшысы Махаббат Большина.
