Облыстық Полиция департаментінде «полицияның қоғамдық көмекшісі» телеграмм-арнасы құрылды, оған өңірдің жанашыр тұрғындары өздері куә болған қоғамдық тәртіпті бұзушылықтар туралы хабарламаларды, фото және бейнематериалдарды жібере алады,-деп хабарлайды ведомствоның баспасөз қызметі.
Хабарламаларды Whats App мессенджерінде 8-708-444-56-54 телефон нөмірі бойынша да жіберуге болады. Сондай-ақ, көрсетілген нөмір бойынша азаматтар полиция қызметкерлерінің заңсыз әрекеттері туралы да хабарлай алады. Құпиялық сақталады.
Жол қауіпсіздігін қамтамасыз ету ерекше бақылауда. Егер сіз жол қозғалысы ережелерін бұзудың, жол-көлік оқиғасының куәсі болсаңыз, мас адамды көлік жүргізген кезде көрсеңіз, көрсетілген нөмір бойынша хабарлаңыз. Ақпарат тексеріліп, құқық бұзушылар жауапқа тартылады.
Облыс аумағында жыл басынан бері 315 ЖКО орын алды, онда 54 адам қайтыс болды, 467 адам жарақат алды. Тек осы сандар туралы ойланыңыз! Мас күйінде көлік құралын басқаратын жүргізушілер алаңдатушылық тудырады. Күн сайын Полиция департаментінің қызметкерлері осындай азаматтарды анықтайды. Мас жүргізуші – ықтимал кісі өлтіруші! Мас күйінде көлік жүргізу кезінде олар өздерін ғана емес, сонымен қатар басқа жол қозғалысына қатысушылардың өміріне қауіп төндіреді. Тағы бір мәселе – қауіпсіздік белдіктерін пайдалану. Бекіткеннен кейін сіз апат болған жағдайда ауыр жарақаттанудан аулақ бола аласыз. Алайда, көптеген жүргізушілер бұл қарапайым ережені елемейді.
2004 жылғы 9 шілдедегі №590 «Қоғамдық тәртіпті қамтамасыз етуге азаматтардың қатысуы туралы» Қазақстан Республикасының Заңына сәйкес, ПД Жергілікті полиция қызметі басқармасы құқық қорғау бағытындағы қоғамдық құрылымдар желісін кеңейтуге бағытталған жұмыс жүргізуде. Қоғамдық құрылымдар ағымдағы жылдың 5 айында 54 қылмысты ашуға және 358 құқық бұзушыны ұстауға қатысты. Ішкі істер органдарына белсенді көмек көрсеткені үшін жалпы сомасы 1,3 млн.теңгеге 29 қоғамдық көмекші ақшалай сыйақымен марапатталды. Аталған тәжірибе жалғасатын болады.
Құзырлы мекеме облыс тұрғындарынан шетте қалмай, қоғамдық тәртіпті қамтамасыз етуге белсенді қатысуды сұрайды.
