Ел Тәуелсіздігінің 30 жылдығы аясында Көкшетауда облыс әкімі Ермек Маржықпаевтың төрағалығымен «Бірліктің, татулық пен келісімнің 30 жылы» тақырыбында Қазақстан халқы Ақмола Ассамблеясының XXIV сессиясы өтті, деп хабарлайды ішкі саясат басқармасы.
Сессияда Қазақстан Республикасының Тұңғыш Президенті – Елбасы Нұрсұлтан Әбішұлы Назарбаев пен Мемлекет Басшысы Қасым-Жомарт Кемелұлы Тоқаев 28 сәуірде өткен Қазақстан халқы Ассамблеясының XXIX сессиясында қойған міндеттерді іске асыру бойынша қабылданып жатқан шаралар талқыланды.
Облыстық сессия жұмысына Ассамблея мүшелері, этномәдени және діни бірлестіктердің, мемлекеттік мекемелердің, бұқаралық ақпарат құралдарының, үкіметтік емес ұйымдардың өкілдері, жастар қатысты.
Қатысушылар алдында сөз сөйлеген облыс әкімі, облыстық Қазақстан халқы Ассамблеясының төрағасы Ермек Маржықпаев ҚХА-ның өткен XXIX сессиясында айтылған міндеттердің маңыздылығы және оларды шешуге барлық күшті бағыттау қажеттілігі туралы айтты.
«Бүгін Тәуелсіздік таңында құрылған Ассамблея біздің бірлігіміздің, бейбітшілік пен тұрақтылығымыздың басты кепілі болып табылады. Экономикасы тұрақты тиімді мемлекет және прогрессивтері бар әділ қоғам құру үшін құндылықтар ретінде барлық этностар мен конфессиялар өкілдерінің жалпыұлттық топтасуының маңызы зор. Ассамблея осы тарихи маңызды үдерісте ерекше рөл атқару үшін барлық қажетті функционалға және ең бастысы адами әлеуетке ие», – деп атап өтті Ермек Маржықпаев.
Сессияда Қазақстан халқы Ақмола Ассамблеясы төрағасының орынбасары, «Санги-Кабуд» тәжік ұлттық-мәдени орталығының төрағасы Умар Шоназаров, Ақмола ҚХА жанындағы Аналар кеңесінің төрағасы Күләш Рахымжанова, «Жаңғыру жолы» Ақмола жастар қозғалысының белсендісі Юлия Лагуткина сөз сөйледі
Спикерлер бейбітшілік пен келісімді нығайту, бірлікті сақтау, қоғамды одан әрі дамыту мәселелері бойынша өз пікірлерімен бөлісті.
«Біздің еліміз үлкен қадамдармен алға жылжуда. Бұл жерде жоғары азаматтық патриотизмнің үлгісін бірнеше рет көрсетіп отырған Ассамблеяның еңбегі де бар. Біздің мақсатымыз – жалпыұлттық бірлік пен этносаралық келісімді сақтау, Отанымызды қорғау және бейбітшілік пен ізгіліктің биік мұраттарына қызмет ету», – деп атап өтті өз сөзінде Умар Шоназаров.
Іс-шара соңында Қазақстан халқы Ақмола ассамблеясының мүшелерімен өңір тұрғындарына арналған үндеу қабылданды және облыстық Ассамблеяның жаңа құрамы бекітілді.
