Қазгидромет 12 шілдеге арналған ауа райы болжамын жариялады.
Республиканың басым бөлігінде ауа ағындарының әсерінен құбылмалы ауа райы сақталады. Солтүстік-батыста, солтүстікте және шығыста нөсер жаңбыр жауады. Тек ел өңірінің батысы мен оңтүстігінде жауын-шашынсыз ауа райы күтіледі. Республика бойынша кей жерлерде найзағай, дауыл, бұршақ, желдің күшеюі ықтимал, оңтүстікте шаңды дауыл тұрады.
Ақмола облысының кей жерлерінде найзағай жарқылдайды, күндіз бұршақ, дауыл күтіледі, таңертең және күндіз жел 15-20 м/с күшейеді. Солтүстік Қазақстан облысының кей жерлерінде найзағай ойнап, бұршақ жаууы ықтимал, күндіз дауыл тұрып, түнде және таңертең тұман күтіледі, жел 15-20, күндіз екпіні 25 м/с күшейеді.
