Облыс әкімі Ермек Маржықпаев Көкшетау қаласының «арестондар қаласы» атануына қатысты пікір білдірді. Әлі күнге дейін қалада ыстық судың жоқтығы облыс әкімдігінде шешілмей келе жатқан мәселелердің бірі,-деп хабарлайды «Aqmola News» А.А.
Майра ҚУАНЫШҚЫЗЫ
Брифингтің сұрақ-жауап уақытында журналистердің бірі «Неге қалада орталықтандырылған ыстық су жүйесі жоқ?» деп сұрады.
Егер жылу электр станциясы болса, ыстық су да болады, бұлар бір бірімен байланысты,-деді әкім журналист сұрағына.
Ермек Маржықпаев станция салу қадамы 2019 жылы болғанын айтып өтті. Бірақ өкінішке орай іске аспай қалды.
Сол жылы жобаны іске асыру үшін мердігерлерге конкурс жарияланды. Оған шет елдік компаниялар да қатысты. Бірақ тендерді ұтып алған компания өзіне жүктелген міндетті орындай алмады. Сол себепті жоба тоқтады,-деді әкім.
Әкімнің сөзінше,өткен аптада үкіметтен бұл жұмыстың техникалық-экономикалық негізі алынған. Қазір бұл мәселе талқылануда.
Еске салар болсақ, Көкшетауда станция салуға қатысты мемлекет басшысының тікелей тапсырмасы бар.
